Naligiissitaanissamut
immikkoortitsinnginnissamullu tunngavik Nunarsuarmi Inuit Pisinnaatitaaffii pillugit isumaqatigiissummi, inuit tamarmik
kiffaanngissuseqartutut kiisalu naleqarnermi pisinnaatitaaffinnilu naligiissutut inunni inatsisitigut tunngavittut FN-ip 1948-mi akuersissutigisaani erserput.
Immikkoortitsinnginnissaq isumaqarpoq,
naalagaaffiup qulakkiissagaa, inuit kikkulluunniit suiaassuseq, sumiuussuseq, ammip qalipaataa, oqaatsit, upperisaq, politikkikkut allatulluunniit isummertariaaseq, nuna inuunermilu
aallaaveqarfik, nunami ikinnerussuteqartunut attuumassuteqarneq, pisuussutsitigut
atukkat, inunngorsimaneq, innarluuteqarneq, atoqateqartarnikkut qanoq inissisimaneq allatulluunniit pissutsit tunngavigalugit immikkoortinneqannginnissaat.
Killiffimmi nalunaarusiami matumani Kalaallit Nunaanni inuit pisinnaatitaaffii pillugit kiisalu naligiissitaanermik suliassaqarfimmi 2017- 2018-imi ineriartorneq takussutissiarineqarpoq.
Nalunaarusiami Kalaallit Nunaanni inuit inatsisitigut illersugaaneranni
pitsanngoriaasissanut innersuussutit sammisat pingasuusut erseqqissarneqarput.
UANI PAASISAQARNERUGIT HUMANRIGHTS.GL
MENNESKERET.DK/KILLIFFIK
NALIGIISSITAANEQ
KALAALLIT NUNAANNI
KILLIFFIK 2019
NALUNAARUMMI SAMMISAT PINGASUT
IMMIKKOORTITSINERMUT
NALINGINNAASUMIK INERTEQQUTEQARNEQ AAMMA NAAMMAGITTAALLIORNERMI
AALAJANGIISARTUNIK PILERSITSINEQ Kalaallit Nunaanni naligiissitaanermi inatsit ullumikkut eqimattanut assigiinngitsunut immikkoortitsisarnermut naligiinngitsumik illersuivoq, tassani suiaassuseq kisiat pillugu immikkoortitsinermut illersuigami, tamannalu illersuineq pingaarnertut suliffeqarferqarfimmiunerusoq atuulluni.
INUIT ATTAVEQAQATIGIITTARFIISIGUT QINNGARSUILLUNI OQAASEQARTARNERIT Kiisalu annertuut annikitsullu pillugit
oqallinnernut peqataaneq paasissutissanillu siammarterineq inuit attaveqaqatigiittarfiisigut ajornannginnerulerlunilu
atugaanerujartulerneratigut, killilersorneqarnani oqaaseqarsinnaanerup qinngarsuillunilu
oqaaseqartarnerup akornanni killissaq pillugu inuit pisinnaatitaaffiitigut ajornakusoortitsilerpoq.
QANIGISARIINNI
NAKUUSERTOQARTARNERA
Angutit sumiiffinni tamanut ammasuni nakuusernerfigineqakkajunnerusartut, arnat taakkuupput qanigisani
ilaquttanilu nakuuserfigineqarnerusartu.
Kisitsisit paasissutissat suiaassutsinut
agguarneqarsimannginnerisa ajornakusoortippaat qanigisariinni nakuusertarnerani suiaassutsinik ukioqatigiiaanillu malittareqqiineq
nakkutiginninnerlu.
NALUNAARUSIAMI INNERSUUSSUTIT PINGAARNERPAAT
Inuit Pisinnaatitaaffiinut Instituttip aamma Kalaallit Nunaanni Inuit Pisinnaatitaaffii pilllugit Siunnersuisoqatigiit ilaatigut innersuussutigaat:
• Suiaassuseq, sumiuussuseq imaluunniit inuiaassuseq, innarluuteqarneq,
Ukiut, atoqateqartarnikkut qanoq inissisimaneq aamma upperisaq pillugit immikkoortitsisarnermut, suliffeqarfimmi suliffeqarfiullu avataani nalinginnaasumik illersuisussamik Naalakkersuisut
inatsisissatut siunnersuummik
saqqummiussissasut, siunnersuummilu ilaassasoq allanut attuumassuteqanngitsumik naammagittaalliornermi aalajangiisartunik pilersitsisoqassasoq.
• Kalaallit Nunaanni Eqqartuussiveqarfiit pillugit Siunnersuisoqatigiit isumaliutigaat – pinerluttulerinermi inatsimmi
tunngaviusut eqqarsaatigalugit – pinerluttulerinermi inatsisip
allanngortinneqarnissaa tulluarsinnaanersoq, taamaasilluni qinngarsuilluni
pinerlunnerit, soorlu Danmarkimi, pineqaatissiinermik aalajangiinermi sakkortusaaqataasartussanngorlugit.
• Naalakkersuisut qinngarsuilluni oqaaseqartarnerit akiorniarlugit, qinngarsuilluni oqaaseqartarnerit inerteqqutaasut qanoq
akiorneqarsinnaanerannik kiisalu inuiaqatigiinni suliffeqarfiit assigiinngitsut, matuma ataani
tusagassiorfiit tamatumunnga atatillugu pinaveersaartitsineq eqqarsaatigalugu qanoq inissisimasinnaanerannik nuna tamakkerlugu iliuusissatut pilersaarummik suliniuteqassasut.
• Kalaallit Nunaanni Politiit qanigisariinni nakuusernerit pillugit kisitsisinik
paasissutissanik katersissasut
saqqummiussillutillu, matuma ataani nakuusernerit nalunaarutigineqarneri, suiaassutsimut ukiunullu agguarlugit.
NALIGIISSITAANEQ
KALAALLIT NUNAANNI KILLIFFIK 2019
NALUNAARUSIAQ UANI ATUARUK HUMANRIGHTS.GL MENNESKERET.DK/KILLIFFIK
Asseq: John Rasmussen, Narsaq Foto